Deputeti i Partisë për Drejtësi Integrim dhe Unitet, Aqif Rakipi vijon betejën ligjore në gjykatë tre ditë pasi KQZ i hoqi mandatin.
Avokati i Rakipit ka dorëzuar në Gjykatën Administrative të Tiranës një padi, ku kërkon rrëzimin e vendimit të KQZ-së dhe rikthimin e mandatit.
Ligjvënësi i PDIU akuzon Komisionin Qendror të Zgjedhjeve se ka marrë një vendim jo transparent.
Një padi të tillë pritet ta bëjë edhe deputeti i LSI-së, Gledion Rehovica. Kjo është një e drejtë që u njihet deputetëve.
Rakipit dhe Rehovicës iu hoq mandati, pasi nuk kishin deklaruar ndalimet që u ishin bërë në Itali.
