Kryebashkiaku i Kamzës ishte dënuar nga Gjykata e Shkallës së Parë me dy vite burg për shpërdorim detyre
Gjykata e Apelit shpalli sot të pafajshëm kryebashkiakun e Kamzës, Xhelal Mziu. Gjykata vendosi sot të pushojë çështjen në ngarkim të tij, edhe pse Prokuroria kërkoi gjatë seancës që të lihej në fuqi vendimi i Gjykatës së Shkallës së Parë. Gjykata e shkallës së parë e kishte dënuar Xhelal Mziun me dy vite burg.
Gjykatat e kishte dhënë këtë vendim me argumentin se Mziu në ushtrimin e detyrës ka shpërdoruar detyrën dhe ka shkelur barazinë në tendera, duke dëmtuar buxhetin e Bashkisë Kamëz dhe interesat e dy firmave private. Sipas vendimit të shkallës së parë, Kryebashkiakut i hiqej e drejta për të ushtruar funksione publike për një periudhë dy vjeçare.
