Përfaqësuesi ligjor i Fatmir Mediut, Ardian Visha e ka cilësuar një antikushtetues vendimin e Apelit të GJKKO për të rihapur dosjen “Gërdeci”.
NJOFTIMI NGA PËRFAQËSUESI LIGJOR I FATMIR MEDIUT
Në cilesinë e përfaqësuesit ligjor të z Fatmir Mediu shpreh sa më poshtë:
Vendimi i deklaruar në media nga Gjyqtarja e Apelit të Posaçëm, përbën një akt jo Kushtetues dhe pluri-shkeles të Konventës Europiane Për të Drejtat e Njeriut dhe një sërë ligjesh të tjera të vendit..
Ai(vendimi) përbën një pavlefshmëri absolute e në çdo rast baza motivuese e tij nuk mund të jetë kurrë ligji.
Është hera e parë në jurisprudencë kur një gjyqtare e një gjykate të nivelit më të ulet prish vendimin e Gjykatës Lartë!
Vec të tjerave shkelja e ligjit është e dukshme , sepse e njejta çështje(kërkesë) është shqyrtuar dhe hedhur poshtë nga gjykata e shkallës parë dhe gjykata e apelit, Tiranë në vitin 2019.
Ky vendim hapur cënon parimin e sigurisë juridike, parimin e gjësë së gjykuar, parimin e ligjit favorizues dhe për më tepër synon procedimin për një akuzë afati parashkrues i së cilës ka kaluar me kohë.
Pasi të njihemi me “ arsyetimin” e këtij akti të paligjshem, do reagojmë me transparencë e me të gjitha mjetet ligjore të përshtatshme.
Avokat Ardian Visha
