Gjatë fjalës së tij në konferencën ku merrte pjesë edhe prokurori i antimafias italiane Federico Cafiero De Raho si dhe ministrja e Drejtësisë Etilda Gjonaj, ambasadori i BE në Tiranë, Luigi Soreca tha se konfiskimi i pasurive të paligjshme është i rëndësishëm në parandalimin e luftës kundër krimit të organizuar dhe korrupsionit.
Sipas ambasadorit të BE në Tiranë, një nga prioritetet kyç në bazë të së cilave do merret vendimi për hapjen e negociatave me Shqipërinë do janë rezultatet konkrete që Shqipëria do të arrijë në luftën kundër krimit të organizuar dhe korrupsionit.
Operacioni i konfiskimit të pronave të paligjshme në Shqipëri është në fillim dhe ne presim vendimet përfundimtare të konfiskimeve dhe po ashtu një sinjal të rëndësishëm të progresit që ky vend po bën në luftën kundër krimit të organizuar dhe korrupsionit. Në muajin qershor të këtij viti, Bashkimi Europian do të marrë një vendim të rëndësishëm për negociatat me Shqipërinë”- tha Luigi Soreca.
