“Nuk është e thënë sepse ke dalë mirë në shkollë dhe duhet të emërohesh në Tiranë. Gjykata e Tiranës dhe Gjykata e Tropojës nga pikëpamja kushtetuese janë njësoj”
Ata gjyqtarë që nuk zbatojnë vendimin e marrë me short, le të largohen”, kjo është përgjigja e ministrit të Drejtësisë, Ylli Manjani, pas padisë së 6 magjistratëve kundër vendimit të KLD. “Duhet tju them një gjë, çdo i ri ose e re që hyn në Shkollën e Magjistraturës betohet që do ti shërbejë republikës. Që nga ky moment këta njerëz paguahen nga shteti edhe kur janë studentë, marrin para dhe janë të gatshëm teorikisht që ti shërbejnë republikës kudo ku ka nevojë. Kjo është baza.
Së dyti nuk është e thënë sepse ke dalë mirë në shkollë dhe duhet të emërohesh në Tiranë. Gjykata e Tiranës dhe Gjykata e Tropojës nga pikëpamja kushtetuese janë njësoj. U shërbehet qytetarëve njësoj pa paragjykim dhe nuk ka pse të krijohen diferenca siç ka ndodhur më pare”, tha Manjani.
Ministri theksoi se gjyqtarët paguhen që të jenë gjyqtarë dhe jo sindikalistë kështu që nga kjo pikëpamje sindikalistët bëjnë punën e tyre gjyqtarët do shkojnë të marrin detyrën ku i kërkon republika dhe të mbarojë kjo histori njëherë e mirë.
Reagimi i ministrit vjen pas refuzimit të disa magjistrantëve për emërimet e tyre sipas shortit të hedhur në KLD.
