“Nuk arrestohen peshqit e mëdhenj të kultivimit të kanabisit, por vetëm peshqit e vegjël”.
Kryetari i Gjykatës së Shkallës së parë të Vlorës, Skënder Haluci, bën një deklaratë të fortë publike ku deklaron se, në tre vitet që ai ka drejtuar këtë gjykatë, nuk ka mbërritur në bankën e të akuzuarve asnjë organizator i kultivimit të kanabisit.
Ai tha më tej se, në këtë gjykatë ka shumë çështje, por s’ka asnjë dosje për organizatorët, trafikantët dhe kultivuesit e saj.
“Në Vlorë po gjykohen vetëm punëtoret e drogës, ata që prashisin dhe ata vadisin”.
“Në gjykatë vijnë vetëm punëtorët, jo organizatorët e kultivimit. Vijnë vetëm punëtorët që vadisin prashisin dhe ruajnë.
Organizatorët e kultivimit të bimëve narkotike nuk kanë ardhur deri më sot për tu gjykuar të paktën në gjykatën që drejtoj unë prej 3 vitesh”, tha Haluci.
“Problemi është se hetimet janë të përcipta, në gjyq vijnë punëtorët dhe nuk shkohet më tej për të kapur organizatorët, ata kultivuesit e vërtetë jo punëtorët e hashashit “, shprehet ai.
Kryetari i Gjykatës së Vlorës vijon gjuhën e ashpër kur thotë se, hetimet janë të përcipta nuk shkohet më tej për të kapur organizatorët, ata kultivuesit e vërtetë.
Kreu i gjykatës së Vlorës ka ngritur shqetësimin edhe për dhunën në familjes. Sipas tij rastet janë rritur në mënyrë drastike.
Problematikat e hetimit të kultivimit të bimëve narkotike, apo rastet e tjera në gjykatën e Vlorës kërkojnë edhe rritje të personelit, pasi sipas Halucës aktualisht janë 13 gjyqtarë, por për rastet të cilat gjykohen duhen të jenë minimalisht dyfishi i numrit aktual.
/Tema/
