Gazeta londineze “Evening Standard” i ka kushtuar një shkrim të burgosurve shqiptarë, të cilët përdorin celularë në burgjet angleze duke sfiduar kontrollet e rrepta.
E përditshmja londineze shkruan se një baron shqiptarë droge, tallet me sistemin e burgjeve, teksa thekson se ai është Tristen Asllani i dënuar me 25 vite burg vitin e shkuar.
Kjo gazetë shkruan se ka zbuluar foto të Asllanit, të cilat ai i postonte në Instagram. Fotot janë shkrepur brenda qelisë në burgun Wandsworth në Londër.
Drejtoria e përgjithshme angleze e burgjeve ka deklaruar se e mbylli llogarinë në Instagram që përdorej nga Asllani dhe se për publikimin e fotove mund të dënohet edhe me dy vite te tjera burg.
