Ndërsa kryeministri i Shqipërisë, Edi Rama është izoluar në Surrel prej nga lëshon mandatën për plebenjtë e tij, Angela Merkel, kancelarja e vendit më të fuqishëm në Perëndim blen ushqime si gjithë gjermanët e tjerë. Mban radhën dhe paguan.
Gazeta prestigjoze “Bild” ka publikuar disa foto të kancelares gjermane Angela Merkel duke bërë pazar në Berlin.
Ajo po përjeton krizën e koronavirusit si miliona gjermanë të tjerë.
“Rreth orës 5 pasdite ajo erdhi në supermarketin “Hit Ullrich”. Së pari shkoi në raftet e perimeve, pastaj në delikatesat por që në shportën e saj nuk mungonte disa shishe vere. Ajo mbushi vetë karrocën e blerjeve dhe në fund pagoi me kartë”, shkruan Bild duke theksuar faktin se monedhat dhe kartëmonedhat mbajnë mikrobe dhe mënyra më e mirë është ajo e pagesës me kartë.
