Amnesty International ka publikuar raportin për të drejtat e njeriut për vitin 2016-2017 në të cilin Shqipëria renditet në vendin e 62. Organizata thekson në raport se mbi 20 mijë shqiptarë kërkuan azil gjatë vitit 2016 në vendet e Bashkimit Evropian.
Gjithashtu në raport thuhet se komuniteti rom dhe ai egjiptian vazhdojnë të jenë në kushte të këqija banimi. Organizata thotë se rreth 80 familje rome u nxorën nga banesat e tyre tek Bregu i Lumit.
“Qeveria po kërkon personat e zhdukur në komunizëm, ndërsa komuniteti evropian ka shqetësime për kushtet e këqija në ambientet e paraburgimit. Të ndaluarit shpesh kanë akuzuar për dhunë të ushtruar nga punonjës policie”, thuhet në raportin për Shqipërinë nga Amnesty International.
