Çmimet e sigurimit të makinave nuk kanë pësuar rënie, edhe pse një ditë më parë Autoriteti i Mbikëqyrjes Financiare u kërkoi kompanive rikthimin e tarifave të mëparshme.
Ndërsa qytetarët ankohen për rritjen e çmimeve kompnitë justifikohen për shkak të numrit të madhe të aksidenteve.
Kjo për shkak të rritjes së taksës mbi primin në 10% në 2016-ën nga 3% që ishte më parë dhe pamundësinë e kompanive të sigurimeve për të paguar dëmet e prambambetura nëpërmjet fondit të kompensimit, detyrime të cilat janë akumuluar si pasojë e numrit të lartë të aksidenteve me shkaktarë të pasiguruar. Sipas statistikave të Policisë së Shtetit, vetëm në tremujorin e parë të 2016-ës numri i aksidenteve është rritur me 13%.
AMFEdhe Banka Botërore ka evidentuar përmes një studimi të fundit, se në Shqipëri numri i aksidenteve rrugore me pasojë vdekjen është mesatarisht 84,7 raste në vit për cdo 100 autovetura, pra nga më të lartat në Europë. Sipas këtij studimi të Bankës Botërore kostoja ekonomike e aksidenteve në vendin tonë është mesatarisht 130 milionë euro në vit dhe pjesën më të madhe e paguajnë kompanitë. Ndërkohë që këto të fundit arrijnë të sigurojnë nga tregu vetëm 80 milionë euro, pra dalin me humbje.
