Ambasadorja e SHBA, Yuri Kim ka paralajmëruar se në Shqipëri mund të ketë shpallje të tjera “non grata” nga Departamenti Amerikan i Shtetit. Në një intervistë të dhënë për “Top Channel”, ajo ka bërë me dije se SHBA-të kanë për qëllim që të tregojnë rastet korruptive, duke marrë masa konkrete, përfshirë edhe shpalljen “non grata”.
“Ndaj, nëse pyetja tjetër e juaja do të jetë “A do ketë shpallje të tjera?”, të shohim, besoj se do të ketë dhe ne do të vazhdojmë të tregojmë me gisht ata që përfshihen në korrupsion, ta që minojnë demokracinë dhe këtë vend, të cilin e konsiderojmë mik të ngushtë. Nuk do t’ju braktisim. Kemi bërë rrugë tepër të gjatë. Shtetet e Bashkuara kanë investuar së tepërmi dhe Qeveria Amerikane kujdeset aq sa të mos ta lërë mënjanë këtë,”-tha Yuri Kim.
