Presidenti Ilir Meta ka zhvilluar sot një takim me ambasadoren gjermane në Tiranë, Susanne Schultz.
Mësohet se ky ishte një takim lamtumire pasi ambasadorja gjermane mbaron mandatin në Shqipëri.
Lajmi u bë i ditur nga një postim i presidentit Meta në rrjetet sociale në të cilin shprehet se tek Gjermani mike kemi besim të plotë për të ndihmuar në rrugën drejt çeljes së negociatave të anëtarësimit të Shqipërisë me Bashkimin Europian.
Postimi i plotë:
“Sot prita në takimin e lamtumirës Ambasadoren gjermane Susanne Schütz, e cila mbaron mandatin e saj në Shqipëri.
Tek Gjermania mike dhe partnere strategjike e Shqipërisë do vijojmë të mbështetemi me besim dhe bashkëpunim gjithnjë e më të afërt.
Mirëpres angazhimin e sinqertë dhe vendimtar të Bundestagut për të ndihmuar në rrugën drejt çeljes së negociatave të anëtarësimit të Shqipërisë me Bashkimin Europian dhe për përparimin e vendit drejt standardeve demokratike europiane”.-shkruan Meta
