Ambasadorja e Kosovës në SHBA, Vlora Çitaku shprehet e impresionuar se sa shumë di vajza e presidentit Trump për Kosovën.
Ajo zhvilloi sot një takim me Ivanka Trump, vajzën e presidentit amerikan Donald Trump, gjatë një pritje në Shtëpinë e Bardhë për Ditën e Gruas.
Në një postim në Facebook ajo shpreh përshtypjet mjaft të mira që i kishte lënë e bija e Trump se sa dinte ajo për Kosovën.
“Bisedë e mrekullueshme me Ivanka Trump sot në drekën zyrtare në Shtëpinë e Bardhë për Ditën Ndërkombëtare të Gruas. Jam impresionuar që dëgjova se sa shumë vajza e parë di për Kosovën”– shkruan Çitaku.
