Ambasadorja e Gjermanisë Susanne Schütz e ka quajtur rezultatin e dalë nga zgjedhjet e 25 qershorit, si një shans të mirë për të vijuar me reformat.
E pranishme në një aktivitet në Korçë, Ambasadorja tha se reformat do të hapin një kapitull të ri për vendin me BE.
“Në këndvështrimin tim ky është një shans për qeverinë për të vijuar në mënyrë të qartë dhe të vendosur reformat e iniciuara tashmë, kryesisht për 5 prioritetet kyçe me përparësi reformën në sistemin e drejtësisë dhe luftën kundër krimit dhe korrupsionit. Por sigurisht dhe një shans më tepër për opozitën për të realizuar një opozitë sa më të fortë”, tha Ambasadorja,
