Ambasadorja e Kosovës në Shtetet e Bashkuara të Amerikës, Vlora Çitaku përmes një statusi në Facebook është shprehur se ndjehet e lumtur dhe krenare me lojën fantastike që bënë djemtë e Kosovës në futboll.
Por e lumtur me shkëlqimin e tyre, ajo nuk lë pa përmendur dështimin e diplomacisë kosovare që nuk arriti ta antarësojë vendin në Interpol.
Ndoshta më mirë sonte ne që jemi në diplomaci mos me folë hiç. Në fakt, u mata shumë mos me shkru. Po s’u durova.
Qe po e them: Faleminderit o djem! Një popull të ngrysun nga disfata e mëngjesit e bëtë me lot gëzimi!
Sigurisht, kjo fitore nuk e kompenson dështimin tim dhe të kolegëve të mi. Po një leksion të mirë na e dhatë, na mësuat si bëhet ekipi. Si luftohet për fitore. Na mësuat se kthimi është i mundshëm edhe pas humbjes.
Faleminderit, përulësisht. Fadilin e keni ba krenarë sot.
