Ambasadorja amerikane në Shqipëri, Yuri Kim u shpreh se SHBA dhe Shqipëria kanë një përgjegjësi të veçantë për të trajtuar ngjarjet e tmerrshme që po ndodhin në Ukrainë, krime të cilat po dokumentohen.
Sipas ambasadores bota kaka qenë dëshmitare e tmerreve të kësaj lufte në qytetet ukrainase si Bucha, Irpin dhe Hostomel dhe në fshatrat dhe qytetet e Ukrainës ende të kapura ose të rrethuara nga forcat ruse, si Mariupoli. Brutaliteti i luftës, dhuna e ushtruar mbi të pafajshmit nga forcat ruse është e njohur deri në dhimbje për popullin shqiptar.Kim thotë se ekziston një dakordësi e fortë ndërkombëtare se sjellja e Rusisë është e patolerueshme dhe përgjegjësit nuk duhet t’ia hedhin pa u ndëshkuar për shkaktimin e një dhune të tillë.
“Mesazhi ynë i thjeshtë për udhëheqjen ushtarake dhe politike të Rusisë, si dhe forcat e saj ushtarake të cilët kryejnë krime lufte ose mizori të tjera, është ky: bota po vëzhgon dhe ju do të jepni llogari. Ne do të vazhdojmë t’i sigurojmë Ukrainës armët dhe pajisjet që i nevojiten për t’u mbrojtur dhe do të vazhdojmë të ofrojmë ndihmë humanitare për ata që janë prekur nga lufta brutale dhe e pakuptimtë e Kremlinit”, shkruan ambasadorja Yuri Kim në rrjetet sociale.
