Pas gjestit fyes të ambasadorit të OSBE-së Bernd Borchardt ndaj banorëve të Astirit, vjen reagimi i parë edhe nga rradhët e Partisë Socialiste.
Kreu i Grupit Parlament të PS-së, Taulant Balla tha se i vjen keq që PD-ja sulmon ambasadorët, të cilët mbajnë qëndrimet e institucionit që përfaqëson.
“Ambasadori i OSBE-së është ambasadori i një institucioni shumë të rëndësishëm ku Shqipëria është vend anëtar, për më shumë se kaq, Shqipëria do të ketë presidencën vitin e ardhshëm.
Mua më vjen keq që parti të caktuara në Shqipëri, për më së shumti PD-ja problemet e veta i sheh te qëndrimi i ambasadorve. Ambasadorët në çdo rast shprehin pozicionin e organizatave apo vendeve që përfaqësojnë. Dhe përfitoj nga ky rast t’i bëj thirrje PD-së të heqë dorë nga sulmet ndaj ambasadorëve”, theksoi Balla.
