Ambasadori i Bashkimit Europian në Shqipëri, Luigi Soreca ka reaguar në lidhje me miratimin e marrëveshies së 5 qershorit, ditën e sotme në Kuvend, ku u votua me 97 pro.
Me anë të një postimi në rrjetet sociale Soreca ka përshëndetur miratimin, teksa u ka bërë thirrje palëve që të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese, të treguar gjatë miratimit të marrëveshjes politike të 5 qershorit.
Ndër të tjera ai ka thënë se ndryshimet shtesë nuk duhet të dëmtojë frymën dhe rezultatet e marrëveshjes së 5 qershorit
“Bashkimi Evropian mirëpret miratimin e ndryshimeve në Kodin Zgjedhor nga Kuvendi i Shqipërisë, në përputhje me marrëveshjen politike të arritur në 5 qershor. për të filluar negociatat e pranimit në BE siç thuhet në konkluzionet e Këshillit më 25.3.2020. Dispozitat e reja legjislative do t’i japin Shqipërisë një kuadër zgjedhor me integritet dhe standarde transparence më të larta, bazuar në rekomandimet e OSBE/ODIHR-it. Ne jemi në dijeni të propozimeve shtesë për reformën e sistemit zgjedhor. Ndërkohë që njohim rolin e Parlamentit në paraqitjen e ndryshimeve shtesë në lidhje me sistemin zgjedhor, ne nxisim të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese, të treguar gjatë miratimit të marrëveshjes politike të 5 qershorit. Procesi që çon në ndryshimet shtesë nuk duhet të dëmtojë frymën dhe rezultatet e marrëveshjes së 5 qershorit,” shkruan Soreca.
Ndërkaq, ka reguar edhe Ambasadori Gjerman Peter Zingraf, i cili ka përshëndetur marrëveshien e 5 qershorit, ndërsa u ka bërë thirrje palëve që të vazhdojnë gjithëpërfshirjen.
“Përshëndes miratimin e marrëveshjes së 5 qershorit.Thirrje palëve të vazhdojnë gjithëpërfshirjen,” shkruan Zingraf.
