Pas deklaratave të ambasadorit amerikan Donald Lu, ka reaguar edhe ambasadori italian në vendin tonë Alberto Cutillo, ku tha se fajtorët duhet të dalin para drejtësisë.
Ambasadori italian u shpreh se Italia dhe Shqipëria tashmë bashkëpunojnë prej shumë vitesh në luftën kundër krimit te organizuar, jo vetëm me Shqipërinë por me të gjithë vendet e botës dhe sigurisht edhe Europës.
Ai shtoi se bashkëpunimi është i mirë dhe ka rezultate të mira në luftën kundër kultivimit te kanabisit por sipas tij mundet dhe duhet bërë më shumë.
“Ajo që besoj se duhet te përmirësohet në Shqipëri është lufta ndaj grupeve të mëdha kriminale dhe mbi të gjitha me pas pasi këta grupe te dalin para drejtësisë duhet te gjykohen dhe nëse janë fajtorë të dënohen. Kjo deri tani nuk ka ndodhur”, deklaroi ai.
