Ambasadori britanik, Duncan Norman i pranishëm në Shkodër, është ndalur te situata politike në vend dhe te zgjedhjet lokale të parashikuar në datën 30 qershor.
Dunkan tha që zgjedhjet mund të realizohen në datën 30 qershor, por që mbetet e rëndësishme që palët të marrin pjesë dhe zgjedhjet të jenë demokratike.
“Gjithmonë më pëlqen të kthehem në Shkodër, është një nga qytetet e para që kam vizituar që në 2016-ën, kam jetuar në Shkodër për një muaj ku kam mësuar gjuhën shqipe. Veriu i Shqipërisë është shumë i rëndësishëm për Mbretërinë e Bashkuar për shkak të lidhjeve mes dy vendeve. Seria e takimeve në Shkodër kishte të bënte me situatën si atë politike por edhe luftën ndaj krimit të organizuar”, ka deklaruar Ambasadori britanik, Duncan Norman.
