“Vettingu” është testi i politikës shqiptare.
Këtë e konfirmon edhe ambasadori i Britanisë në vendin tonë, Duncan Norman, i cili vuri theksin tek rëndësia që ka reforma në drejtësi për të ardhmen e Shqipërisë.
“Kemi pare zhvillime të rëndësishme në Shqipëri muajt e fundit, ku u mbyllën me sukses zgjedhjet parlamentare dhe në shtator do të formohet qeveria e re. Reforma në drejtësi është shumë e rëndësishme për vendin. Jemi te kënaqur me legjislacionin, por ndryshimi i ligjeve nuk është i mjaftueshëm. Ajo që duam të shohim është që këto ndryshime me vettingun të zbatohen në mënyrën e duhur. Qëllimi i reformës është: një sistem drejtësie i drejtë dhe efikas.”, tha Norman.
Për të treguar që “Brexit” është vetëm dalje nga Bashkimi Europian, por jo shkëputje e marrëdhënieve me Europën, ai tha:
“Britania eshte duke u larguar nga BE, por jo nga Europa ! Marrëdheniet me Ballkanin Perendimor do të thellohen. Këtë vit ambasada jonë në Tiranë do të dyfishohet sa i përket stafit. Qëllimi ka të bëjë me faktin se po punojmë ngusht me qeverinë shqiptare kundër krimit te organizuar, po kështu edhe për ushtrinë dhe në këtë vit kemi përherë të parë një atashe ushtarak në Tiranë. Vitin tjeter gjithashtu në Londër mbahet Samiti i Ballkanit Perendimor”, tha ambasadori i Britanisë në vendin tonë.
