Ambasadori britanik, Duncan Norman deklaroi ditën e sotme në një prononcim nga Shkodra se nëse ka vullnet politik, Shqipëria mund të ketë zgjedhje të lira.
Gjithashtu ambasadori britanik në vend inkurajoi Këshillin Politik që të vazhdojë punën e nisur.
”Unë besoj se nëse do të ekzistonte vullneti politik, Shqipëria mund të ketë zgjedhje të lira. Qeveria britanike punon ngushtësisht për të luftuar krimin e organizuar dhe do të punojmë akoma më fuqishëm në muajt në vijim duke patur parasysh zgjedhjet. Do të vijojme bashkëpunimet edhe me palët ndërkombetare që të kemi monitorime më të forta.
Në vitet e kaluara ka patur 3 forma monitorimi. Britania ka qenë pjesë e monitorimit. . Ka monitorim të brendshëm që është më i miri, si dhe monitorimi nga vetë ambasadat.
Presidenti ka një rol të rëndesishëm kushtetues. Ai vepron mbi atë që mendon se është më e drejta për kushtetutën. Nuk mendoj se do të ishte e duhura për mua të komentoj rolin e presidentit.
Është me rëndësi që Këshilli Politik të vijojë të operojë. Nëse kjo nuk do të ishte e mundur,do të na duhej të gjenim forma të tjera të arbitrimit. Për momentin nuk e shohim si rrugëzgjidhje”.- tha ambasadori britanik.
