Greqia është shqetësuar për ekspozitën kushtuar Çamërinë në kangjellat e Presidencës në Tiranë. Medeiat greke shkruajnë se Meta është shfaqur provokues me këtë ekspozitë.
“Provokues, Ilir Meta shfaqet mes hartave dhe fotove që flasin edhe për gjoja pushtimin e territoreve shqiptare nga Greqia!”, shkruhet në artikullin e publikuar nga “Protothema”.
Kathimerini raporton, se sipas burimeve diplomatike, pala greke hodhi një hap të fortë drejt Shqipërisë, me rastin e ekspozitës së fotografive dhe hartave me temën e “gjenocidit çam” dhe “pushtimit të territoreve shqiptare nga Greqia”.
Ambasada greke në Tiranë ka zhvilluar një protestë të fortë dhe ka kërkuar menjëherë shpjegime nga zyra e presidentit të Shqipërisë Ilir Meta, lidhur me ngjarjen.
Gazeta greke vijon më tej, sipas të njëjtave burime, të cilat janë postuar në gardhin e jashtëm të pallatit presidencial shqiptar, shoqërohen me akuza ndaj vendit tonë për “gjenocidin e Çamërisë”, si dhe me harta që tregojnë pjesën më të madhe të Greqisë si “territoret e pushtuara shqiptare”.
“Në fund, theksohet se presidenti shqiptar ka bërë një xhiro në ekspozitë,” përfundon Kathimerini.
