Ambasada austriake ka bërë një sqarim në lidhje me lajmin që solli kryeministri për koncertin e Vienës në Tiranë.
Në njoftimin e tij kryeministri Rama tha se me 2 janar vjen në Tiranë Koncerti i Vienës, por pa saktësuar nëse do të ishte Filarmonia apo Ansambli.
Amabasada austriake deklaron se në datën 2 janar do të performojnë në Tiranë 36 artistë, anëtarë të “Ansamblit Filarmonik të Vjenës”, anëtarë dhe ish-anëtarë të Filarmonisë së Vjenës, si dhe nga muzikantë të tjerë austriakë.
Po kështu ambasada jep detaje edhe për sponsorët e këtij aktiviteti. Sipas saj Koncerti i organizuar nga Ministria e Kulturës në bashkëpunim me AGE Art Production ka gjetur mbështetjen e disa kompanive austriake dhe shqiptare, si dhe të Ambasadës Austriake në Tiranë.
Ambasada austriake, gjithashtu thekson se një pjesë e të ardhurave të mbledhura nga shitja e biletave do të shkojë për bamirësi, konkretisht për Fshatin SOS në Shqipëri.
