Ambasada amerikane jep një tjetër paralajmërim për të gjithë qytetarët shqiptarë që kërkojnë viza amerikane.
Ambasada njoftoi sot se të gjithë qytetarët që pajisen me vizë duhet t’i përmbahen kushteve të saj, duke qëndruar në SHBA aq sa është deklaruar në momentin e marrjes së vizës.
“Është shumë e rëndësishme që t’i përmbaheni kushteve të vizës tuaj. Nëse ju i thoni oficerit konsullor që do të qëndroni për dy javë në SHBA, ju nuk mund të qëndroni gjashtë muaj.
Në pikën e hyrjes në SHBA, oficeri i imigracionit do të shënojë në pasaportën tuaj se sa kohë mund të qëndroni – sigurohuni të mos e tejkaloni!”, shkruhet në njoftim.
