Ish-kryeministri Sali Berisha komentoi qëndrimin e Enkelejd Alibeajt ndaj tij duke mos e njohur si anëtar të grupit parlamentar të PD-së. Në një dalje për mediat në përfundim të mbledhjes me Komisionin e Rithemelimit, ai tha se ky është vazhdim i qëndrimit të vendimeve të Bashës por sipas tij janë pa vlerë. Berisha gjithashtu pranoi se dy janë forumet që drejtojnë partinë, të cilët janë Komisioni i Rithemelimit dhe grupi parlamentar.
“Nëse mbeten jashtë PD e përcaktojnë ata vetë. Ne nuk përjashtojmë. Ai ishte një dështim i ri i saj i paralajmëruar. Gurvenatorja ka lënë menjanë rolin e ambasadores dhe nuk ka asnjë tagër të ndërhyjë në jetën e brendshme të një force politike. Shpreh kënaqësinë e madhe që çdo shqiptar e ka të qartë se në çfarë gjendje ka qenë PD sikur të ishte seksion i gurvenatores. Zonja në fjalë shkel çdo rregull. Për shkak të terrenit që ka gjetur te Rama dhe Basha preferon të bëjë atë rol. Po të shohësh realitetin kryesia është e shkarkuar. Nuk kemi kryesi. Ish kryetari është i shkarkuar. Dy janë forumet që drejtojnë partinë. Komisioni i Rithemelimit dhe grupi parlamentar. Mbledhje të grupit parlamentar ka pasur ka dhe do të ketë. Kuvendi i datës 11 Dhjetor është jashtë diskutimit të grupit parlamentar. Alibeaj ka qëndrim personal të pavlerë. Është një vazhdim i qëndrimit dhe vendimeve të Bashës por janë pa vlerë. Nuk do ketë penalitete për qëndrime personale” – tha Berisha.
Sipas tij, nëse PD do të propozojë një emër për Presidentin e ri do duhet të mblidhen forumet më të larta të Partisë Demokratike. Berisha më tej tha se edhe ata që kanë mbështetur Bashën, nëse do të duan të kandidojnë, janë të mirëpritur të votohen nga anëtarësia.
“PD nëse do propozojë për presidentin e ri do merret vendimi nga forumet më të larta të PD. Nga këshilli Kombëtar i PD që do të zgjidhet në Kuvendin e 30 Prillit. PD nuk pranon asnjë propozim të Edi Ramës. Nëse Edi Rama për shkak të dhunimit të zgjedhjeve vendos që presidentin ta propozojë PD ose opozita atëherë do nisin konsultimet me forcat e tjera politike dhe përcaktohen qëndrimet. Personi është i dërguar privat dhe unë nuk mund ta bëjë publike. Nuk kam qenë i ashpër përkundrazi i kam bërë të qartë që nuk lejojmë ndërhyrje në punët e brendshme të PD. Ka marrë fund . E kam bërë të qartë dhe e kam faktuar se nuk e kam pranuar. Ata që kanë mbështetur zotin Basha dhe janë zgjedhur me votat e anëtarësisë. Dëshirojnë të kandidojnë dhe janë të mirëpritur nëse votohen nga anëtarësia. Deputetët po marrin pjesë dhe janë të angazhuar në procesin e brendshëm në zgjedhjet në parti. Një proces që quhet audit brenda partisë dhe do zhvillohet kur ekziston dyshimi se janë shkelur rregullat statutore. Konstatoj një shkallë përgjegjësie të plotë nga demokratët për të rivendosur unitetin” – u shpreh ai.
