Gazetari Alfred Lela ka gjetur biçikletën që e humbi ditën e djeshme tek Teatri Kombëtar ku u shoqërua dhe për në Polici.
Lela bëri sot thirrje për të gjetur biçikletën pasi e kishte blerë e kursime 1200 euro dhe pikërisht një i moshuar vendosi t’ia kthejë.
Gazetari thotë se më shumë se për biçikletën u gëzua dhe sepse Agush Karameta i tregoi cilët ishin ata që protestonin dje tek Teatri. Në fund Lela nuk kursen as një ironizim për Sandër Lleshajn dhe dhunën e ushtruar dje ndaj tij.
Statusi nga Alfred Lela:
Me Agush Karametën, që më gëzoi shumë sot, jo vetëm se më ktheu biçikletën, por më shumë se më tregoi se cilët ishin njerëzit që ishin dje në rrugë për të protestuar për Teatrin.
Po marr pensionin më tha, kur e telefonova. Kur e takova mësova se edhe agjëronte. Më ftoi në shtëpi dhe folëm për atë që të dy kishim dëshmuar dje.
Ka njerëz të mirë ky vend që quhet Shqipëri!
Faleminderit Agush! Faleminderit të gjithëve që më keni shkruar dje dhe ma keni bërë më të lehtë dhunën e bravoçunave të Heneral Leshit!
