Albin Kurti merr sot për herë të dytë postin e kryeministrit të Kosovës. Ditën e djeshme ai u zgjodh me shumicë votash nga parlamenti i ri i dalë nga zgjedhjet e 14 shkurtit që zgjodhi edhe Glauk Konjufcën kryeparlamentar, njëkohësisht mori edhe rolin e Presidentit në detyrë.
Kryeministria në një njoftim për media ka dhënë detaje për agjendën e Albin Kurtit në ditën e parë si kryeministër në mandatin e dytë.
Pas mbledhjes së Qeverisë, Kurti do të vizitojë kompleksin memorial “Adem Jashari” në Prekaz.
Ndërsa, pasdite i njëjti takohet me ambasadorin e BE-së në Kosovë, Tomas Szunyog.
Agjenda e plotë:
1. Ceremonia e pranim – dorëzimit të detyrës së Kryeministrit.
VENDI: Ndërtesa e Qeverisë
KOHA: 10:00
2. Mbahet mbledhja ceremoniale e Qeverisë.
VENDI: Ndërtesa e Qeverisë
KOHA: 11:30
3. Kryeministri Albin Kurti bën homazhe në kompleksin memorial “Adem Jashari”, në Prekaz.
VENDI: Kompleksi memorial “Adem Jashari”, në Prekaz
KOHA: 13:00
4. Kryeministri Albin Kurti do të takohet me ambasadorin e BE-se, z. Tomas Szunyog.
VENDI: Ndërtesa e Qeverisë
KOHA: 14:30
