Albin Kurti dhe Donika Kadaj sërish në paraburgim, gjykata refuzon kërkesën e tyre për lirim

Deputetët e Vetëvendosjes, Albin Kurti dhe Donika Kadaj Bujupi mbeten në paraburgim. Ditën e sotme Gjykata refuzoi kërkesat e mbrojtjes së tyre për lirim dhe zëvendësim të kësaj mase.

Katër deputetët e Lëvizjes Vetëvendosje, Albin Kurti, Albulena Haxhiu, Donika Kadaj-Bujupi dhe Faton Topalli janë duke u gjykuar për hedhjen e gazit lotsjellës në Kuvend, ngjarje të ndodhura kohë më parë, shkruan express.

Albulena Haxhiu kërkoi që në cilësinë e dëshmitarëve të thirren edhe shumë deputetë të tjerë që kanë qenë të pranishëm aso kohe. Por trupi gjykues e ka refuzuar kërkesën e të akuzuarve për të dëgjuar mbi 20 dëshmitarët e propozuar për të dëshmuar në gjykatë. Sipas trupit gjykues dëshmitë e tyre janë jorelevante.

http://www.gazetaexpress.com/lajme/albin-kurti-dhe-donika-kadaj-mbesin-nw-paraburgim-477047/