Një telefonatë ka mbërritur në komisariatin e Policisë së Tiranës, ku raportohet se ka humbur një e mitur. Burime nga policia bëjnë me dije se një 16-vjeçare nga Tirana është larguar nga shtëpia prej ditës së djeshme.
Ka qenë babai i së miturës që ka bërë kallëzim në polici.
Sipas policisë, babai i identifikuar me iniciale I. K., 53 vjeç, ka kallëzuar se është larguar nga banesa dhe nuk është kthyer, vajza e tij, E. K., 16 vjeçe. Policia pritet të marrë në pyetje prindërit e të miturës për të kuptuar arsyen pse e mitura është larguar nga banesa dhe ku është parë për herë të fundit.
Po punohet për gjetjen e saj. Materialet i kaluan Prokurorisë, për veprime të mëtejshme procedurale.
