Gabriele Tarron Longinotti, një shtetas italian, u arrestua në Rinas më 19 prill 2021, me akuzën se mashtroi se në vlerën e 730.000 euro, ka dalë nga burgu. Ka qenë vendimi i Apelit, ajo që bëri që italiani të lirohej. Apeli ka konstatuar se vendimi i Gjykatës së Tiranës, i datës 2 mars 2022 me 6 (gjashtë) vjet burgim, është i padrejtë. Gjykata re Apelit ka konstatuar se në fakt vepra penale për të cilën është ngritur çështje është kryer nga një shtetas Italian në territorin e shtetit Italian dhe pasojat kanë ardhur në shtetin e Mongolisë, në dëm të interesave të një të huaji. Pra asnjë lidhje me shtetin shqiptar, përveç faktit të ndalimit të të akuazuarit.
Gjykata e Apelit, pasi shqyrtoi çështjen vlerësoi se nuk ka juridiksion për këto arsye: Sipas nenit 7/1 të K.Penal vepra penale nuk është kryer ne Territorin e Republikës së Shqipërisë; Sipas nenit 7/2 të K.Penal, vepra penale është kryer nga shtetasi i huaj dhe nuk është kryer në dëm të interesave të shtetit ose shtetasit shqiptar për ndonjë nga krimet e parashikuara shprehimisht në këtë dispozitë; Sipas nenit 7/a, nuk rezulton që i pandehuri të ketë kryer ndonjë nga veprat penale të parashikuara në ketë dispozitë, për të cilat është i zbatueshëm ligji penal shqiptar për shtetasin e huaj që ndodhet në Shqipëri dhe nuk është ekstraduar, kur veprën e ka kryer jashtë shteti.
Gjykata e Apelit Tiranë, e përbërë nga trupi gjykues me Relatore Gjyqtare Marsela Dervishi dhe anëtarë Valdete Hoxha dhe Ornela Naqellari, vendosi shpalljen e mungesës së juridiksionit dhe urdhëroi lirimin e menjëhershëm Gabriele Tarron Longinotti.
Italiani u arrestua pas një kallëzimi të bërë nga Miliad Lopa, i autorizuar nga Shoqëria Italiane “Bruno Presezzi” për të regjistruar procedimin penal për veprën penale te “Mashtrimi me pasoja te renda në ngarkim të Gabriele Tarroni Longinotti në dëm të Alberto Presezzi.
