Një hetim që zgjati për rreth dy vite lidhur me ish-kompleksin Partizani në Tiranë ka çuar në arrestimin e Jamarbër Malltezit, dhëndri i ish-Kryeministrit Sali Berisha dhe ndërtuesit Fatmir Bektashi.
Ndërkohë për ish-Kryeministrin Berisha është caktuar masa e sigurisë “detyrim paraqitje” dhe mos lejimin e daljes nga Shqipëria.
Ndaj Jamarbër Malltezit është ngritur akuza për korrupsion pasiv në bashkëpunim sipas nenit 260 dhe Pastrim i Produkteve në bashkëpunim me Fatmir Bektashin sipas nenit 287 të Kodit Penal.
Ndërsa Fatmir Bektashi akuzohet për korrupsion aktiv dhe pastrim i produkteve të veprës penale në bashkëpunim me Malltezin.
Ndërkohë për ish-Kryeministrin Sali Berisha është ngritur akuza për korrupsion pasiv kryer në bashkëpunim sipas nenit 260 dhe 25 i Kodit Penal.
Ish-Kryeministri e ka konsideruar ngritjen e akuzave si politike, ndërsa tha se Malltezi u arrestua pa u pyetur asnjëherë nga Prokuroria apo Gjykata. Ndërsa për masën e tij të ndalimit për të dalë nga territori i Shqipërisë, Berisha tha se është shkelur Kushtetuta, pasi nuk është kërkuar leja e Parlamentit, për të ndaluar udhëtimet e një deputeti.
Referuar raportimeve masat paraprake të sigurisë të miratuara nga GJKKO bazohen në hetimet e deritanishme të kryera nga SPAK lidhur me atë se çfarë ka ndodhur me kompleksin Partizani. Kjo do të thotë se një thellim apo vijim i hetimeve mund të zgjerojë rrethin e personave që mund të përballen me akuza të ndryshme penale.
Nga raportimet mësohet se hetimet për çështjen kanë nisur bazuar te një kallëzim penal i depozituar 3 vite më parë nga Taulant Balla, në emër të Grupit Parlamentar socialist, ndërsa SPAK nisi hetimet në 2021.
Në kallëzimin e Ballës përfshiheshin në seri zyrtarësh të qeverisjes së PD-së dhe drejtues të disa institucioneve të kohës kur edhe u procedua me privatizimin e kompleksit Partizani.
Nga raportimet ngritja e akuzës për pastrimin e parave mund të çojë pikërisht në zgjerimin e rrethit të hetimeve të personave të lidhur, bazuar në transaksionet apo lëvizjet e llogarive brenda ose jashtë vendit, ndërsa në raportimet fillestare u tha se SPAK kishte kërkuar informacione nga disa agjensi ligjzbatuese të vendeve të BE-së.
Ende nuk dihet se deri në çfarë faze mund të shkojnë hetimet lidhur me çështjen, veçanërisht sa i takon akuzës për pastrim të produkteve të veprës penale.
Nga hetimet e deritanishme, në akuzën e SPAK është bërë një lidhje mes Malltezit dhe Bektashit, ndërtuesit të shumëkatëshëve në pronën e dhëndrit të ish-Kryeministrit. Por bazuar në një standart të vendosur nga SPAK në rastin e ish-zv.Kryeministrit Arben Ahmetaj, pra në atë që konsiderohet si hetim i thelluar, nuk përjashtohet mundësia që hetimet të shtrihen te personat e afërt apo të lidhur në biznese apo transaksione të të akuzuarve për pastrim apo larje parash.
Një hetim që zgjati për rreth dy vite lidhur me ish-kompleksin Partizani në Tiranë ka çuar në arrestimin e Jamarbër Malltezit, dhëndri i ish-Kryeministrit Sali Berisha dhe ndërtuesit Fatmir Bektashi.
Ndërkohë për ish-Kryeministrin Berisha është caktuar masa e sigurisë “detyrim paraqitje” dhe mos lejimin e daljes nga Shqipëria.
Ndaj Jamarbër Malltezit është ngritur akuza për korrupsion pasiv në bashkëpunim sipas nenit 260 dhe Pastrim i Produkteve në bashkëpunim me Fatmir Bektashin sipas nenit 287 të Kodit Penal.
Ndërsa Fatmir Bektashi akuzohet për korrupsion aktiv dhe pastrim i produkteve të veprës penale në bashkëpunim me Malltezin.
Ndërkohë për ish-Kryeministrin Sali Berisha është ngritur akuza për korrupsion pasiv kryer në bashkëpunim sipas nenit 260 dhe 25 i Kodit Penal.
Ish-Kryeministri e ka konsideruar ngritjen e akuzave si politike, ndërsa tha se Malltezi u arrestua pa u pyetur asnjëherë nga Prokuroria apo Gjykata. Ndërsa për masën e tij të ndalimit për të dalë nga territori i Shqipërisë, Berisha tha se është shkelur Kushtetuta, pasi nuk është kërkuar leja e Parlamentit, për të ndaluar udhëtimet e një deputeti.
Referuar raportimeve masat paraprake të sigurisë të miratuara nga GJKKO bazohen në hetimet e deritanishme të kryera nga SPAK lidhur me atë se çfarë ka ndodhur me kompleksin Partizani. Kjo do të thotë se një thellim apo vijim i hetimeve mund të zgjerojë rrethin e personave që mund të përballen me akuza të ndryshme penale.
Nga raportimet mësohet se hetimet për çështjen kanë nisur bazuar te një kallëzim penal i depozituar 3 vite më parë nga Taulant Balla, në emër të Grupit Parlamentar socialist, ndërsa SPAK nisi hetimet në 2021.
Në kallëzimin e Ballës përfshiheshin në seri zyrtarësh të qeverisjes së PD-së dhe drejtues të disa institucioneve të kohës kur edhe u procedua me privatizimin e kompleksit Partizani.
Nga raportimet ngritja e akuzës për pastrimin e parave mund të çojë pikërisht në zgjerimin e rrethit të hetimeve të personave të lidhur, bazuar në transaksionet apo lëvizjet e llogarive brenda ose jashtë vendit, ndërsa në raportimet fillestare u tha se SPAK kishte kërkuar informacione nga disa agjensi ligjzbatuese të vendeve të BE-së.
Ende nuk dihet se deri në çfarë faze mund të shkojnë hetimet lidhur me çështjen, veçanërisht sa i takon akuzës për pastrim të produkteve të veprës penale.
Nga hetimet e deritanishme, në akuzën e SPAK është bërë një lidhje mes Malltezit dhe Bektashit, ndërtuesit të shumëkatëshëve në pronën e dhëndrit të ish-Kryeministrit. Por bazuar në një standart të vendosur nga SPAK në rastin e ish-zv.Kryeministrit Arben Ahmetaj, pra në atë që konsiderohet si hetim i thelluar, nuk përjashtohet mundësia që hetimet të shtrihen te personat e afërt apo të lidhur në biznese apo transaksione të të akuzuarve për pastrim apo larje parash.
