Gjykata e Breshias rrëzoi për herë të dytë akuzën për terrorizëm ndaj Alban dhe Elvis Elezit
Gjykata e Breshias në Itali ka hedhur poshtë për herë të dytë, akuzat për terrorizëm e rekrutim të luftëtarëve të ISIS, ndaj Alban Elezit, i dënuar në Shqipëri më 12 korrik të 2015, e nipit të tij Elvis Elezi, rezident në Torino. Sipas Gjykatës së Brescia-s nuk ekzistojnë elementë që dëshmojnë aftësitë e Alban e Elvis Elezi, në rekrutimin e luftëtarëve të ISIS, e as lidhje të drejtpërdrejta të tyre me persona që e kanë një autoritet të tillë. Shqiptari Alban Elezi i datëlindjes 1977 u arrestua më 25 mars të 2015 në qytetin e Kavajës, me urdhër të prokurorisë italiane e nën akuzën e aktivitetit terrorist e rekrutimit të luftëtarëve të ISIS.
Sipas akuzës Alban Elezi kishte garantuar ndihmën llogjistike në terrritorin shqiptar të Anas El Abboubi, si dhe udhëtmin e tij drejt frontit sirian e përfshirjen në luftën e ISIS. Po sipas akuzës italiane, Alban Elezi kishte bërë të njëjtën gjë dhe me kunatin e tij Idajet Balliu, i cili më 8 shtator të 2013 ka udhëtuar nga Tirana drejt Stambollit e më pas në kufirin turko-sirian. Atë ditë në Shqipëri gjëndej dhe Anas El Abboubi, në pritje për të udhëtuar drejt Sirisë.
Kunati i Alban Elezit, Idajet Dalliu vdiq në Siri më 15 gusht të 2015. Një tjetë akuzë ndaj Alban e Elvis Elezi është ajo e rekrutimit të 15 vjecarit Ben Ammar Mahmoud, rezident në Komo të Italisë i cili sipas procesverbaleve të dëshmuara nga vetë ai, ka bashkëbiseduar shumë herë me dy shqiptarët mbi aspiratat e tij xhihadiste. Ben Ammar Mahmoud është penduar në rrugën e tij duke dëshmuar më pas dhe në procesin kundër Alban e Elvis Elezi.
