Rebel Wilson ka kritikuar presidentin rus, Vladimir Putin, teksa po prezantonte ceremoninë vjetore të Akademisë Britanike të Filmit. 42-vjeçarja po prezantonte një performancë të Emilia Jones, aktore dhe këngëtare në filmin CODA, i cili flet për një familje të shurdhër.
“Në këtë shfaqje ka dy interpretues të ndryshëm,” tha aktorja. “Megjithatë, për fat, në të gjitha gjuhët e shenjave, ky është gjesti për Putinin”, u shpreh Wilson ndërsa ngriti gishtin e mesit.
Kjo nuk ishte referenca e vetme për luftën që u bë gjatë ndarjes së çmimeve.
Nga ana tjetër, kryetari i BAFTA-s, Krishnendu Majumdar, hapi ceremoninë duke thënë se shpreson që të rikthehet paqja. “Mendimet tona janë me popullin e Ukrainës, si dhe me ata të prekur nga konflikte të tjera në mbarë botën.”, tha ai.
https://youtu.be/whIRKX5_d4g
