Zbardhet akti i ekspertimit mjeko-ligjor për ngjarjen e minoritarit ekstremist grek Kostandin Kacifas.
Sipas gazetarit Elton Qyno, ai nuk u qëllua nga RENEA, por ata i kanë bërë thirrje të dorëzohet.
Bëhet me dije se Kacifas ka qëlluar veten me kallashnikov, duke marrë dy plumba.
Sakaq, pranë trupit të minoriatrit janë gjetur disa gëzhoja nga armët të policisë.
Kujtojmë që vetëvrasja e Kacifas ndodhi në tetor të 2018. 35-vjeçari grek kishte terrorizuar disa banorë të fshatit Bularat në Dropull, të cilët e kishin vënë re të qarkullonte me kallashnikov.
Kur u njoftua policia, ai jo vetëm që refuzoi të dorëzohej, por hapi zjarr në drejtim të tyre. Më pas nisi ndjekja nga forcat speciale RENEA. Kacifas u arratis në malin mbi fshat, ku për disa çaste qëllonte në drejtim të forcave shqiptare speciale, duke i rrezikuar seriozisht jetën. Ai përdorte një kallashnikov të modifikuar, me dy karikatorë dhe optikë.
