Kontrollet blic në kryeqytet që nisi pasditen e sotme nga policia e Tiranës ka zbuluar një shtëpi që përdorej si bazë për prodhimin dhe magazinimin e lëndëve narkotike në Ndroq.
Nga të dhënat paraprake dyshohet se bëhet fjalë për një sasi të madhe, ndërsa policia është ende duke bërë verifikimet përkatëse pasi operacioni nisi para pak minutash. Bëhet fjalë për një ndërtesë, në brendësi të së cilës është gjetur lëndë narkotike.
Kontrollet do të zhvillohen në banesa, sera, depo, magazina, ish-reparte ushtarake, ish depot e rezervave shtetërore, shtëpi të braktisura, etj. Nga operacionet e deritanishme, në qarqe të ndryshme të vendit, ambiente të tilla janë zbuluar që shfrytëzoheshin për kultivimin e bimëve narkotike dhe rritjen e fidanëve.
Periudha e parashikuar me nisjen e operacioneve korrespondon me kohën kur bëhet edhe përgatitja për mbjelljen e kanabisit.
