Një aksident tragjik i ka marrë jetën boksierit shqiptar Valentin Kajtazi. 27-vjeçari gjeti vdekjen në mesnatë si pasojë e një aksidenti që ka ndodhur sot në Tisno, Kroaci.
Klubi ku 27-vjeçari u trajnua për shumë vite, ekipi kroat i Šibenikut, është tronditur nga ky lajm i hidhur.
“Çfarë të themi, kur në këtë mëngjes morëm lajmin e trishtuar, të gjithë në klub jemi në gjendje shoku. Valentini ishte shembull, ai ishte fillestar por në sajë të këmbënguljes së tij ai u bë një konkurrent dhe luftoi më së miri. Ky lajm na ka goditur. Valentini ishte djalë i mirë, pozitiv dhe shumë i vlefshëm, e pabesueshme që ka ikur”, tha Joško Sunara, trajner i Šibenikut, KBK Petar Krešimir.
