Fotot që shihni janë kapur në lagjen Xhenjo, aty ku pasditen sotme u shënua një aksident i rëndë. Siç shihet edhe nga fotot dy automjete janë përplasur kokë më kokë me njëra-tjetrën duke u shkatërruar plotësisht në pjesën e përparme.
Përplasja ka qenë e fortë, çka ngre dyshimet se shoferët e mjeteve ishin duke udhëtuar me shpejtësi përtej normave.
Ngjarja ka ndodhur në aksin rrugor Lezhë-Shëngjin, e për pasojë 4 persona kanë mbetur të plagosur.
Nuk dihet ende gjendja e tyre shëndetësore, ndërsa policia pritet të zbardhë ngjarjen përmes një njoftimi për shtyp.
