Një aksident u regjistrua mbrëmjen e djeshme në Elbasan, ku një mjet tip ‘Benz’ u përplas me patrullën e policisë, dhe sipas raportimit paraprak, si pasojë i plagosur mbeti Komandati i Grupeve të Gatshme Enver Muça.
Mjeti tip ‘Benz’ drejtohej nga A.J. 22 vjeç, ndërsa patrulla e policisë drejtohej nga A.H, punonjës i policisë në Komisariatin e Elbasanit.
Por sot në në reagim zyrtar, Policia e Shtetit ka përgënjeshtruar lajmin e plagosjes së Komandantit Muça dhe ka theksuar se ka vetëm dëme materiale.
Informacion zyrtar:
Ndërkohë grupi hetimor po punon për zbardhjen e plotë të rrethanave të aksidentit.
Në lagjen “Kongresi”, Elbasanit, shtetasi A.J., 22 vjeç, banues në Elbasan, duke drejtuar mjetin tip “Benz”, është përplasur me mjetin e shërbimit të patrullës së përgjithshme tip “Hondai”, me drejtues shtetasin A. H., banues në lagjen “Skëndërbej”, Elbasan, efektiv i Komisaratit të Policisë Elbasan.
Si pasojë e aksidentit ka vetëm dëme materiale.
Grupi hetimor po punon për zbardhjen e shkakut të aksidentit.
