Aksident tragjik në Tropojë/ Humb jetën i mituri 9 vjeçar, plagosen 5 persona të tjerë

Një aksident tragjik ka ndodhur sot në Tropojë ku për pasojë ka humbur jetën një i mitur 9 vjeçar ndërsa kanë mbetur të plagosur 5 persona të tjerë.
Mësohet se dy makinat janë përplasur me njëra-tjetrën në aksin rrugor Bajram Curri – Sopot.
Njoftimi i policisë:
Tropojë/ informacion paraprak.
Më datë 21.07.2019, në aksin rrugor Bajram- Curri – Sopot, në vendin e quajtur Cerrnicë, janë përplasur mjeti tip “Benz”, me drejtues shtetasin B.Ç., banues në Tropojë, me mjetin tip “Toyota”, me drejtues shtetasin Z.M.
Si pasojë janë dëmtuar drejtuesit e mjeteve, B.Ç, Z.M., pasagjerët shtetasit A.Ç, A.Ç, H.L., si dhe ka gjetur vdekjen rrugës për në spital i mituri E.Ç, 9 vjeç, banues në Tropojë.
Grupi hetimor ndodhet në vendin e ngjarjes, ku po punon për përcaktimin e shkaqeve të aksidentit.