Një aksident tragjik ka ndodhur mëngjesin e sotëm në aksin rrugor Fier-Lushnje në fshatin Savër.
Mësohet se dy automjete tip “Benz” me drejtues shtetasin E.Gj, 29 vjeç dhe shtetasin Idajet Toshkëllari, 64 vjeç janë përplasur me njëri tjetrin.
Për pasojë kanë ndërruar jetë shtetasi Idajet Toshkëllari dhe pasagjerja që ndodhej me të në mjet e identifikuar si Hatixhe Hatia, 62 vjeç.
Ndërkohë policia ka shoqëruar shtetasin E.Gj dhe po kryen veprimet proceduriale për arrestimin e tij. Grupi hetimor po punon për zbardhjen e plotë të kësaj ngjarje.
