Një 31-vjeçar shqiptar humbi tragjikisht jetën pasditen e së enjtes në komunën e Piemontes në Itali.
Sipas mediave fqinje, viktima është K.Terniqi. Ngjarja e rëndë ndodhi ditën e djeshme, në një rrugë që lidh Tortona me Pontecurone.
I riu shqiptar jetonte në Rho, Lombardi dhe lëvizte me motor kur u përplas me një makinë.
Dy mjetet udhëtonin në të njëjtin kah të rrugës, kur automjeti që drejtohej nga një vajzë 24-vjeçare u kthye djathtas dhe motori përfundoi poshtë, ndërkohë që po tentonte të parakalonte.
Mësohet se 31-vjeçari u përplas disa metra larg në rrugë dhe vdiq në vendin e ngjarjes.
