Një aksident i rëndë ka ndodhur sot në Malin e Tomorrit, ku për pasojë ka humbur jetën drejtuesi i mjetit.
Ngjarja ka ndodhur pikërisht në zonën e shpatit të malit, ku ndodhen edhe karrierat e gurit dekorativ.
Shoferi i një nga firmave të nxjerrjes së gurit dekorativ, ka humbur kontrollin e mjetit dhe është rrëzuar me kamionin që ishte i ngarkuar me pllaka guri.
Si pasojë e aksidentit, 36-vjeçari Besnik Sali Kanani, ka humbur jetën. Viktima jetonte në fshatin Fushë-Peshtan të Poliçanit dhe ishte babai i 3 fëmijëve.
Ndonëse është e paligjshme nxjerrja e gurëve dekorativë, firmat vazhdojnë punën ilegalisht.
