Një aksident tragjik është shënuar mëngjesin e sotëm ën aksin rrugor Fushë Krujë Milot. Burime policore bëjnë me dije se një automjet me shoferin e identifikuar me iniciale A. D., 39 vjeç, është përplasur me automjetin me shoferin e identifikuar me iniciale A. A., 30 vjeç.
Si pasojë e përplasjes kanë ndërruar jetë të dy drejtuesit e mjeteve dhe dy pasagjerët, përkatësisht me iniciale Sh. B., 20 vjeç, dhe A. K.,16 vjeçe, që ndodheshin në automjetin që drejtonte shtetasi A. A.
Gjithashtu, është dëmtuar edhe pasagjerja e identifikuar si R. H., 34 vjeçe, që ndodhej në automjetin që e A. A., e cila ndodhet në spital nën kujdesin e mjekëve, jashtë rrezikut për jetën.
Paraprakisht dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.
Bilanci i aksidenteve tragjike vjen duke u rritur.
Grupi hetimor ndodhet në vendngjarje dhe po punon për sqarimin e rrethanave të aksidentit.
