Një tjetër aksident i rëndë është shënuar para pak minutash në Tiranë. Burime policore bëjnë me dije se ngjarja ka ndodhur tek zona e Brrylit.
Të njëjtat burime bëjnë me dije se automjeti me shoferen e identifikuar me iniciale S. N., ka aksidentuar një këmbësor ende të paidentifikuar, rreth 55 vjeç, i cili si pasojë është dëmtuar dhe ndodhet në spital nën kujdesin e mjekëve.
Paraprakisht dyshohet se shkak i aksidentit është bërë shpejtësia përtej normave të lejuara ose mos respektimi i sinjalistikave rrugore.
Grupi hetimor ndodhet në vendngjarje dhe po punon për sqarimin e rrethanave të aksidentit.
