Një aksident i rëndë ka ndodhur në Elbasan ku për pasojë kanë mbetur të plagosur dy persona.
Në pranga u vu shtetasi Muhamet Dylgjeri, pasi duke drejtuar mjetin është përplasur me një motorçikletë drejtuar nga shtetasi H.S, 62 vjeç banues në Elbasan dhe më pas është përplasur me mjetin tip “Ford” drejtuar nga shtetasi A,B, 29 vjeç banues në Elbasan.
Si pasojë e aksidentit janë dëmtuar drejtuesi i motorçikletës dhe pasagjerja e mjetit “Ford” shtetasja E.B, 24 vjeçe banuese në Elbasan. Të dy shtetasit janë dërguar për ndihmë mjekësore dhe ndodhen jashtë rrezikut për jetën.
