Një aksident i rëndë ka ndodhur mëngjesin e sotëm në Itali, ku si pasojë ka humbur jetën një shtetas shqiptar 28-vjeçar dhe është plagosur rëndë e fejuara e tij.
Ngjarja e rëndë ka ndodhur rreth orës 04:45 të mëngjesit në autostradën Napoli-Canosa.
I riu shqiptar së bashku me të dashurën e tij, e cila raportohet të jetë një shtetase amerikane, ishin duke udhëtuar drejt një fshati të Barit, ku jetonte familja e të riut shqiptar.
Fatkeqësisht përplasja e automjetit me barrierat anësore të rrugës ka rezultuar fatale për 28-vjeçarin, ndërkohë që e fejuara e tij ka marrë dëmtime të shumta dhe është transportuar me urgjencë në spital.
Kanë nisur hetimet për zbardhjen e shkaqeve të aksidentit.
