Një aksident me pasojë plagosjen e një personi ka ndodhur mbrëmjen e sotme në kryeqytet.
Ngjarja ka ndodhur në zonën e Saukut, ku makina ka përplasur një këmbësore, e cila ndodhet në gjendje të rëndë shëndetësore.
Policia bën me dije se tek mbikalimi i Saukut, mjeti me targë AA 071 HD, me drejtues Sajmir Çeka, 27 vjeç, ka aksidentuar një këmbësore, rreth 35 vjeçe, ende të paidentifikuar, të cilën e ka dërguar vetë me mjetin e tij në spital.
Grupi hetimor po kryen veprimet e mëtejshme për përcaktimin e shkakut të aksidenti.
