Një aksident tragjik ka ndodhur mbrëmjen e djeshme në aksin rrugor Vaqarr–Ndroq. Dy persona kanë mbetur të vdekur, dhe dy të tjerë janë plagosur, pas përplasjes së dy mjeteve tip “Toyota” dhe “Benz”.
Bëhet me dije se shtetasit Athanas Xhavara 45 vjeç nga Gjirokastra, dhe Edison Sefa 22 vjeç, nga Tirana, janë dy drejtuesit e mjeteve që humbën jetën në aksident.
Sipas burimeve nga policia, 45-vjeçari Xhavara drejtonte makinën tip “Toyota” me targa AA 757 DZ, ndërsa 22-vjeçari nga Tirana ishte drejtuesi i mjetit tip “Benz” me targa Tr 1432 U.
Paraprakisht mësohet se shkak i aksidentit ka qenë lagështira në rrugë dhe shpejtësia tej normave të lejuara.
