Aksident në Kosovë, një i vdekur dhe dhjetëra të plagosur

Një aksident i rëndë ka ndodhur gjatë ditës së sotme në Gjilan të Kosovës, ndërsa një person ka humbur jetën dhe dhjetëra të tjerë janë plagosur.

Mësohet se një kamion me shpejtësi është përplasur me disa makina, si dhe njerëz që ndodheshin në trotuar. Dyshohet se shkak i aksidentit ka qenë një problem teknik në sistemin e frenimit të kamionit.

Nuk  dihet numri i saktë i të plagosurve, por mësohet se shumë prej tyre po marrin trajtim mjekësor në Spitalin e Gjilanit.